Azərbaycanın tarixi ilə bağlı nəşr olunan xəritələr mütləq şəkildə ölkədən xaricdə müxtəlif dillərdə yayılmalıdır. Buna böyük ehtiyac var.

Bunu Geodeziya və Kartoqrafiya Agentliyinin İdarə Heyətinin sədri Nazim İsmayılov “Qafqaz diyarının xəritəsi – Tiflis, 1847-ci il” nəşrinin fevralın 20-də keçirilən təqdimatı zamanı səsləndirib.

N.İsmayılov bildirib ki, hər şeyin zamanı var və ərazi tariximizlə bağlı həqiqətlərin dünyaya çatdırılmasının da artıq çoxdan zamanı gəlib.

Onun sözlərinə görə, hazırlanan hər bir sənədin kökü, əsası olanda deməyə sözün, ortaya qoymağa faktın çox olur.