Ukraynanın Boris Qrinçenko adına Kiyev Universitetinin jurnalistika və yeni media və nəşriyyat işi fakültələrinin tələbələri üçün mühazirə keçirilib. Bakı Beynəlxalq Multikulturalizm Mərkəzinin təşkil etdiyi mühazirə "Azərbaycan multikulturalizmi" kursunu keçən universitet tələbələrinin istəyi ilə baş tutub. "Azərbaycanın etnik müxtəlifliyi" mövzusuna həsr olunan mühazirəni Bakı Beynəlxalq Multikulturalizm Mərkəzinin tədris şöbəsinin müdiri, dosent İrina Kunina təqdim edib. Mühazirə maraqlı müzakirələrlə davam edib. Tələbələr müxtəlif millətlərin birgə yaşadığı Azərbaycan cəmiyyətində birləşdirici gücün nədən ibarət olması ilə bağlı çoxsaylı suallar səsləndirib. Onlar Azərbaycanda yaşayan etnik qrupların tarixi, adət-ənənələri və adətləri haqqında daha çox maraqlanıblar.

Xatırladaq ki, BBMM fəaliyyətə başladığı ilk dövrdən Azərbaycan multikulturalizmi modelinin təbliği, eləcə də xarici ölkə universitetlərində bir fənn kimi tədrisi layihəsini həyata keçirir. Hazırda dünyanın 20-dən artıq nüfüzlu universitetində “Azərbaycan multikulturalizmi” fənni uğurla tədris olunur.

Bakı Beynəlxalq Multikulturalizm Mərkəzinin mətbuat xidməti

http://multikulturalizm.gov.az/post/1796/multikulturalizm-merkezi-xarici-telebeler-ucun-muhazire-kecirir.html
https://azertag.az/xeber/1681447 https://az.trend.az/azerbaijan/society/3359983.html
https://rupor.az/sosial/11051-multikulturalizm-mrkzi-xarici-tlblr-n-mhazir-keirir.html