Ukraynalıların Dünya Konqresinin (UDK) prezidenti Yevgeni Czolij rəhbərliyi ilə nümayəndə heyəti Bakı Beynəlxalq Multikulturalizm Mərkəzinin (BBMM) qonağı olub.                                                    Bakı Beynəlxalq Multikulturalizm Mərkəzinin icraçı direktor əvəzi Rəvan Həsənov qonaqları qəbul edərək onlara Mərkəzin fəaliyyəti, ölkəmizdə uğurla davam etdirilən multikultural mühit haqqında ətraflı məlumat verib.

Rəvan Həsənov bildirib ki, Prezident İlham Əliyev multikulturalizmin qorunub saxlanmasına böyük önəm verir. Azərbaycanda tolerantlıq mühitinin hazırkı səviyyəyə gəlib çatması dövlətimizin başçısının apardığı siyasətin, dinindən, dilindən və milli mənsubiyyətindən asılı olmayaraq hər bir vətəndaşımıza bərabər münasibətinin nəticəsidir. Multikulturalizm Azərbaycanda dövlət siyasətidir, həyat tərzidir. Azərbaycan öz multikultural və tolerant yaşam tərzi ilə dünyaya nümunədir. O qeyd edib ki, Azərbaycan dövlətinin həyata keçirdiyi tolerantlıq siyasəti ölkəmizdə yaşayan etnik və dini icmalar arasında dostluğun və qardaşlığın daha da möhkəmlənməsinə zəmin yaradır. Bütün bunlar ulu öndər Heydər Əliyevin əsasını qoyduğu siyasətin uğurla davamının nəticəsidir.  Bakı Beynəlxalq Multikulturalizm Mərkəzinin icraçı direktor əvəzi təmsil etdiyi qurumun fəaliyyət istiqamətlərindən də danışıb. Diqqətə çatdırıb ki, azərbaycançılıq məfkurəsinə uyğun olaraq tolerantlığın və mədəni, dini, linqvistik müxtəlifliyin qorunmasını təmin etmək, eləcə də Azərbaycanı dünyada multikulturalizm mərkəzi kimi tanıtmaq və mövcud multikultural modelləri tədqiq və təşviq etmək Mərkəzin əsas məqsədidir. Qonağın diqqətinə çatdırılıb ki, bu gün Azərbaycan multikulturalizmi fənni dünyanın iyirmiyə yaxın universitetində tədris olunur. BBMM-in doqquz ölkədə filialı var və sonuncu filial bu ilin əvvəlində ABŞ-da açılılıb.

Ukraynalıların Dünya Konqresinin (UDK) prezidenti Yevgeni Czolij bildirib ki, Azərbaycan kimi çoxmillətli, çoxmədəniyyətli, multikultural və tolerant bir ölkə öz nümunəsi ilə digər ölkələri də həvəsləndirir və onun təcrübəsindən istifadə olunmasını zəruri edir. Qonaq öz ölkəsində Bakı Beynəlxalq Multikulturalizm Mərkəzinin filialının açılması və eyni zamanda, Ukraynanın ali təhsil məktəblərində “Azərbaycan  multikulturalizmi” fənninin tədris edilməsinin məqsədəmüvafiq olması barədə arzusunu də dilə gətirib.                                                                                                                     Görüşdə  UDK Brüssel Beynəlxalq Təşkilatı Missiyasının direktoru Marina Yaroşeviç, Ukraynanın Azərbaycan Respublikasında səfirliyinin nümayəndəsi Oleksandr Sençenko və Azərbaycanda Ukrayna Konqresinin rəhbəri Yuriy Osadçenko iştirak edib.

Qeyd edək ki, UDK 20 milyon ukraynalıların milli maraqlarını qoruyan beynəlxalq diasopa təşkilatıdır və dünyanın 53 ölkəsində fəaliyyət göstərir. UDK 1967-ci ildə yaradılıb, 2003-cü ildə yenidən qurulan təşkilat BMT-nin İqtisadi və Sosial Şurasında qeyri-dövlət təşkilatı kimi xüsusi məşvərətçi statusa malikdir.

Запись Ukraynalıların Dünya Konqresinin prezidenti Multikulturalizm Mərkəzinin qonağı olub впервые появилась Bakı Beynəlxalq Multikulturalizm Mərkəzi.