Bu gün Nərimanov rayonunda yerləşən 47 saylı orta məktəbin bir qrup yuxarı sinif şagirdi məktəb direktoru Aytən Bağırova və müəllimə Aybəniz Rüstəmovanın müşaiyəti ilə Bakı Beynəlxalq Multikulturalizm Mərkəzinin qonağı olub. BBMM-in icraçı direktoru Rəvan Həsənov qonaqları salamlayaraq, onlara multikulturalizm siyasəti, Azərbaycandakı multikultural mühit, multikulturalizm modeli, eləcə də Multikulturalizm Mərkəzinin fəaliyyəti, həyata keçirilən layihələr haqda geniş məlumat verib. Sonda görüş iştirakçılarına BBMM-in nəşri olan kitablar hədiyyə edilib.