“Qafqaz diyarının xəritəsi – Tiflis, 1847-ci il” nəşri Azərbaycan həqiqətlərinin üzə çıxarılmasında ciddi bir addımdır.

Bu fikirləri Bakı Beynəlxalq Multikulturalizm Mərkəzinin (BBMM) Himayəçilik Şurasının sədri akademik Kamal Abdulla “Qafqaz diyarının xəritəsi – Tiflis, 1847-ci il” nəşrinin təqdimatı zamanı səsləndirib.

Bakı Beynəlxalq Multikulturalizm Mərkəzinin bu istiqamətdə sistemli şəkildə iş apardığını diqqətə çatdıran K.Abdulla bildirib ki, BBMM-nin “Həqiqətin onomastikası” kitabının birinci və ikinci nəşrinin hazırlanması, kitabların rus və ingilis dillərinə tərcümə olunması da buna bir sübutdur.

Akademik tariximizin, həmçinin ərazi tariximizin öyrənilməsinin və təbliğinin əhəmiyyətini xüsusi vurğulayıb.