Bakı Beynəlxalq Multikulturalizm Mərkəzinin aprel ayından etibarən yeni beynəlxalq elmi jurnalı ingilis dilində işıq üzü görəcək. İldə iki dəfə - aprel və oktaybr aylarında nəşr olunacaq jurnalın saytı (bimc-ijm.com) artıq fəaliyyət göstərir. Bütün beynəlxalq standartlara cavab verən jurnal regionda bu istiqamətdə ilk elmi nəşr olacaq. Elmi nəşrin redaksiya heyəti bu sahədə tanınmış xarici mütəxəssislərdən formalaşıb. BBMM-in yeni jurnalında elmi məqalələrlə çıxış etmək istəyən araşdırmaçı alimlər yazılarını bimc-ijm.com ünvanına göndərə bilərlər. Daha ətraflı məlumatı jurnalın saytından da almaq mümükündür.