Yəhudi nifrəti hələ də mövcuddur və bu nifrət əvvəlkindən daha qəddar, daha kəskin formadadır. Təəssüf ki, 75 il bundan qabaq yəhudilər öz ölkələrindən qovulsalar da yəhudi nifrəti hələ də kəskin şəkildə qalmaqdadır.

Bu sözləri İsrailin ölkəmizdəki səfiri Corc Dik yanvarın 25-də Holokostun anım günü ilə əlaqədar təşkil edilən tədbirdə söyləyib.

Səfir bildirib ki, Azərbaycan bütün xalqların, eləcə də yəhudilərin sülh şəraitində, heç bir problem olmadan yaşadığı ölkədir. Onun sözlərinə görə, burada bir ravvin heç bir narahatlıq keçirmədən, sərbəst şəkildə gəzə bilər. Onlar, hətta Bakı küçələrində gəzərkən özlərini Avropanın ən məşhur paytaxtlarından belə təhlükəsizlikdə hiss edirlər.