Qlobal Əməkdaşlıq və Analitik Araşdırmalar Mərkəzi İctimai Birliyinin təşkilatçılığı ilə Türkiyənin KADEM (Qadın və Demokratiya) təşkilatının üzvləri Bakı Beynəlxalq Multikulturalizm Mərkəzinin qonağı olub. Qonaqların Azərbaycana səfəri “Türkiyə-Azərbaycan Birliyi: Davamlı İnkişaf, yüksək səviyyəli idarəçilik və qadınların səlahiyyətlərinin artırılması ədalətin təminatı kimi” adlı layihə çərçivəsində təşkil olunan “Türkiyə-Azərbaycan Birliyi’nin zəfəri: Davamlı İnkişaf və qadın məsələləri” mövzusunda konfransda iştirakla bağlı olub. 

Görüşdə BBMM-in icraçı direktoru Rəvan Həsənov qonaqlara Mərkəzin fəaliyyəti və həyata keçirdiyi layihələr barədə ətraflı məlumat verib. Görüşdə qarşılıqlı əməkdaşlıq və digər aktual məsələləri müzakirə edilib.