Bakı Beynəlxalq Multikulturalizm Mərkəzi ilə Ukrayna Milli Elmlər Akademiyasının Şərqşünaslıq İnstitutu arasında memorandum imzalanıb
![](http://multikulturalizm.gov.az/uploads/post_covers/800_435/1614753817.jpg)
Bakı Beynəlxalq Multikulturalizm Mərkəzi (BMMM) Ukrayna Milli Elmlər Akademiyasının Aqatangel Krım adına Şərqşünaslıq İnstitutu ilə əməkdaşlıq haqqında memorandum imzalayıb.
Memorandumda birgə tədqiqatlar, layihələrin icrası və müxtəlif sahələrdə əməkdaşlıq üçün geniş imkanlar əks olunub.
“Ukrayna BMMM-in beynəlxalq fəaliyyətinin vacib bir istiqamətidir. Mən, Ukrayna Milli Elmlər Akademiyası Aqatangel Krım adına Şərqşünaslıq İnstitutunun direktoru Aleksandr Boqomolova strukturlarımız arasında, ölkələrimizin alimləri arasında əməkdaşlıq üçün belə bir vacib addıma görə ürəkdən minnətdaram. Bakı Beynəlxalq Multikulturalizm Mərkəzi Azərbaycan multikulturalizmi haqqında biliklərin digər ölkələrin alimləri arasında populyarlaşdırılmasına çox diqqət ayırır və əminəm ki, gələcəkdə Ukraynada bir çox yeni layihələr olacaq. Ölkələrimiz arasında təhsil və elm sahəsində əməkdaşlığın inkişafı, Ukraynada Azərbaycan multikulturalizmi konsepsiyasının təqdim edilməsi və populyarlaşdırılması, təhsil və elmi prosesdə gələcək tətbiqi üçün yeni imkanlar yaradan ÜmumUkrayna və Ukrayna-Azərbaycan konfranslarının keçirilməsini mütəmadi olaraq dəstəkləyirik. Bu il Nizami Gəncəvinin yaradıcılığında ümumbəşəri bəşəri dəyərlərə, humanizmə xüsusi diqqət yetirəcəyik”, - deyə Bakı Beynəlxalq Multikulturalizm Mərkəzinin direktoru Rəvan Həsənov bəhs edib.
“Əlbəttə ki, türkologiya Şərqşünaslıq İnstitutunun prioritetlərindən biridir. Bu gün Azərbaycanın Ukrayna üçün Cənubi Qafqazın strateji cəhətdən əhəmiyyət kəsb edən bölgəsində lider dövlət olduğunu görürük və azərbaycançılığın ölkəmizdə daha fəal inkişaf etməsini istərdik. Təbii ki, bu müvafiq kadrların - Azərbaycan dilini bilən, bu mürəkkəb və maraqlı bölgənin xüsusiyyətlərini dərindən bilən mütəxəssislərin hazırlanması tələb edir. Yaxşı ki, bu məsələdə Ukrayna-Azərbaycan münasibətlərinin vacibliyini dərk edən azərbaycanlı həmkarlarımızla əməkdaşlıq edə biləcəyik. Ukrayna Milli Elmlər Akademiyasının Şərqşünaslıq İnstitutu ilə Bakı Beynəlxalq Multikulturalizm Mərkəzi arasında Əməkdaşlıq Memorandumunun imzalanması bu istiqamətdə ilk addımdır”,- deyə filologiya elmləri doktoru, Ukrayna Milli Elmlər Akademiyasının Aqatangel Krım adına Şərqşünaslıq İnstitutunun direktoru Aleksandr Boqomolov qeyd edib.
Bakı Beynəlxalq Multikulturalizm Mərkəzinin Ukraynadakı nümayəndəsi Marina Qonçaruk, Azərbaycanın və xüsusən də Azərbaycan multikulturalizminin öyrənilməsində maraqlı olan Ukrayna alimləri üçün yeni imkanlar yaratmağın çox vacib olduğunu söyləyib: “Məsələn, Ukrayna Milli Elmlər Akademiyasının Şərqşünaslıq İnstitutunun bazasında sistemli şəkildə fəaliyyət göstərən layihə və proqramların yaradılması artıq universitetlərdə bu kimi fəaliyyətdə perspektiv və imkanlar görəcək gələcək bir növ azərbaycançılar mühiti formalaşdıra biləcəyimizə töhfə verəcəkdir. Bu günə qədər bunun üçün mühüm addımlar atılıb - Kiyev Taras Şevçenko adına Milli Universitetində "Azərbaycan multikulturalizmi" fakültəsinin fəaliyyəti, beynəlxalq proqramlar (qış və yay beynəlxalq multikulturalizm məktəbləri), müsabiqələr, Azərbaycan multikulturalizmini öyrənənlər üçün təşviqlər”.